納納雜雜

11th Dec 2008


1. 這兩天，老師教的是法國家庭的屋企 (la maison) 及屋裡面的東西 (les meubles et les objets) 的名稱．其實平時斷斷續續也有講到，但今次叫做比較集中及有系統．

一邊抄筆記，我心裡面一邊不停想：嘩! 又有客廳，又有飯廳，又分浴室同廁所，仲要有睡房，有無再可以浮誇點呢?? 我有一個廳仔做：飯廳 + 客廳 + 活動空間 + '大' 宴親朋的地方已經萬幸．我當然知道法國都有好多窮苦大眾．

不過，住係 Nice 會有時有錯覺，覺得法國人真係好鬼有錢．不停行過有些屋 (係 house，不是 appartment) 裝潢得很漂亮，好多傢俬鋪裡面的傢俬 (可能只是一張椅子) 都好貴．


2. 有一次上堂時講起，我班在聖誕節前會有一個小型的，類似大食會之類的東東．我們班上的人也要帶一些 '家鄉小菜' 回去分享．我即刻 (真係即刻) 問，我可唔可以帶飲品．

我們老師問我是否不喜歡 'faire les cuisines' (整幾味) 呢? 我認，我係不太喜歡弄吃的，所以我弄的都很簡單，看我之前 post 的相片就知道．下廚之於我，只是求生技能，所以我真的不喜歡煮東西給別人吃．

我老師就講笑話，咁，唔會有好婚姻喎! 我就答 'C'est pas grave.' (唔緊要喎!!)估唔到，我已經可以將係整 le titre de séjour 時聽得多的句子，靈活運用喎 !!


3. 這陣子，在 facebook 上見到很多朋友，舊同事，舊同學等等的結 . 婚 . 相．一方面很替他們高興，一方面不禁有少許感懷身世．

一個 senior 中女在法國，工作：無大突破；金錢：相信將會用得一乾二淨；感情：唉! 灰!!不過，衷心祝他們幸福，結婚相很漂亮．


4. 今日，我的功課係寫一篇小文章，題目係我理想的屋企 (à l'écrit, decrivez votre maison idéale.)

見到這個標題，我有少少禁唔住笑．可能我的笑引起我老師的好奇心 (好少人聽到要做功課會笑)．我老師就問我點解笑啦．我就話我理想的屋企是很小巧的．有同學估我係唔想打掃 (我個額頭難道刻住個 '懶' 字?)．

我就極誠實的回答，因為咁樣我可以寫少點 (例如：我理想的家是一個極小的 studio，沒甚麼傢俱就可．完了)其實我真係幾懶，不過思考怎樣去偷懶又極勤力同心思細密同快速．


5. 基於我人懶，我發覺我學 'les pronoms' 是學得極快．因為我做人的其中一個原則係，說話可以講短就不要講長．所以，我真係好勤力學同用 les pronoms．

法國人長話短說的例子：
eg. Je donne le stylo à Pierre. (我把該枝筆給皮雅)
--> Je le lui donne. ( le & lui 就是 les pronoms 的其中兩款，代替了該枝筆及給皮雅)

Les Pronoms 真係好啱懶人用，不過要小心學，因為勁多規則記，否則差之毫釐，卻之千里．