Convoy終於在上星期五左右再打黎，同佢地 email 比我話會打黎遲咗差唔多成個月．
佢話查完成件事，只可以話有眾多巧合發生係我個 case 度 (係！係眾多巧合！眾多．不．幸．嘅．巧合)然後話真係好抱歉．．．唉！道歉有實質作用的話，不如我同佢地都道吓歉，等佢地快 d 賠啦
跟住佢問我係唔係同 PIBA 投訴過．係，我係投訴過，跟住我極平心靜氣，坦白同佢講，如果你地 Convoy 唔會賠償的話，我係點都唔會滿意，而且實在都唔需要通電話，浪費雙方時間
跟住佢又講講講，我又講講講．佢又解釋在處理提取基金呢個申請，2 個星期(!) 處理時間（注意，只係處理時間，即係你入 form 到 Aviva 正式記錄收到及開始處理張 form 的時間，不包括賣基金及錢入到銀行 account 的時間）是 reasonable time(!!)，不過佢地依家已經有改善 etc
唉！我已經唔想同佢再討論，究竟基金呢個會跟隨時間而變動價格的'貨品'，2 個星期處理時間是否合理（以我所知其他公司是不用2 個星期）; 而且事實上佢地係唔止用咗2 個星期
我覺得最大的問題是事前個advisor是無話比我知個情況會係咁．我早知道的話我會選擇自己交表比 Aiviva，而唔係等佢將張 form 比完依個比嗰個，比完嗰個又要 fax比第二個
個 advisor 只係話最快 2 個星期，最遲4 , 5 個星期就可以收到錢（OK! 我都認我問得唔夠清楚）
最後的結果係差額一人一半，我會接受
前日收到電話，話會 email 番所有 details 比我，不過宜家我仲未收到佢地個 mail
當中呢幾個月，我個 advisor 係．無．聯絡過我（唔知係唔係 Convoy 叫佢唔好聯絡我）
希望佢地個服務真係會改善，不過我唔會好似以前咁個個月供．
Subscribe to:
Post Comments (Atom)
No comments:
Post a Comment