又奧運 ...

覆天蓋地的奧運報道 , 加上星期五晚是開幕禮 . 星期六的頭版全都係一篇篇讚美的報道 , 個個人都話好好 , 連我媽都話是值得中國人驕傲 .

我只是覺得係呢 5 個光環嘅背面 , 雖不至於敗絮其中 , 但係藏著幾多不可對人言的事 . 近嘅有公安叉頸啦 , 外國記者在新聞中心上網 , 有 d 網被 block , 為咗令城市清潔 d , 趕走 d 較邊緣的人 , 仲有四川救災 等等 , 比較切身的有通脹 , 政制 , 經濟衰退 等等 . 係呢個時候 , 我真係無咩心情迎奧運 .
奧運 ( 純粹我覺得 ) 只係對運動員重要 (或者嗰 d 國家領導人 ) , 對我呢 d 坐係屋企 , 無咩國家歸屬感啲人 , 奧運似一場大 show 多 d , 頂多得個知字就夠 .

人人都話支持奧運 , 政府又為咗依個活動投放大量金錢 , 就好似新年有親戚來家裡一樣 , 大掃除呀 , 仲加 d 裝飾 , 其他點都唔係好緊要 , 最緊要係親戚見到你屋企好 ok 同好整齊 ... 真係差唔多

在香港 , 中國 , 全世界都有好多令人心寒的發生 , 在香港 , 特首個句 ' 民望如浮雲 ' 已經夠經典 , 只可以話果然唔係民選 , 要 ' 討好 ' 上面嘅已經 ok ; 殺人斬人食人新聞近年來特多 . 有時睇完一 d 中國較寫實嘅電影 , 都會令人好唔舒服同不安 : <盲井> (中國礦工被不人道對待) ; <盲山> (人口販賣) ; <血蟬> (活人器官販賣 , 兒童販賣行乞 ) 等 , 仲有 d 講文革嘅 ...

知道有呢 d 事 , 真係唔覺得奧運有幾值得興奮同開心