又奧運 ...

覆天蓋地的奧運報道 , 加上星期五晚是開幕禮 . 星期六的頭版全都係一篇篇讚美的報道 , 個個人都話好好 , 連我媽都話是值得中國人驕傲 .

我只是覺得係呢 5 個光環嘅背面 , 雖不至於敗絮其中 , 但係藏著幾多不可對人言的事 . 近嘅有公安叉頸啦 , 外國記者在新聞中心上網 , 有 d 網被 block , 為咗令城市清潔 d , 趕走 d 較邊緣的人 , 仲有四川救災 等等 , 比較切身的有通脹 , 政制 , 經濟衰退 等等 . 係呢個時候 , 我真係無咩心情迎奧運 .
奧運 ( 純粹我覺得 ) 只係對運動員重要 (或者嗰 d 國家領導人 ) , 對我呢 d 坐係屋企 , 無咩國家歸屬感啲人 , 奧運似一場大 show 多 d , 頂多得個知字就夠 .

人人都話支持奧運 , 政府又為咗依個活動投放大量金錢 , 就好似新年有親戚來家裡一樣 , 大掃除呀 , 仲加 d 裝飾 , 其他點都唔係好緊要 , 最緊要係親戚見到你屋企好 ok 同好整齊 ... 真係差唔多

在香港 , 中國 , 全世界都有好多令人心寒的發生 , 在香港 , 特首個句 ' 民望如浮雲 ' 已經夠經典 , 只可以話果然唔係民選 , 要 ' 討好 ' 上面嘅已經 ok ; 殺人斬人食人新聞近年來特多 . 有時睇完一 d 中國較寫實嘅電影 , 都會令人好唔舒服同不安 : <盲井> (中國礦工被不人道對待) ; <盲山> (人口販賣) ; <血蟬> (活人器官販賣 , 兒童販賣行乞 ) 等 , 仲有 d 講文革嘅 ...

知道有呢 d 事 , 真係唔覺得奧運有幾值得興奮同開心

唔好咁相信個基金 consultant！！投訴篇

09 AUG 2008

思前想後 , 星期五朝早不停打電話 . 其實都係打去 d 中立嘅機構 , 問吓我到底可以爭取幾多賠償 , 可唔可以取消 account 但唔收手續費 等等 . 連消費者委員會都問到 , 基本上的建議都係話事件唔牽涉公司違規 或中介人嘅職業操守問題 (因為表面上佢地的確係無食我 d 錢 , 最多只可以話係公司行政上有問題 . 多數建議我正式寫投訴信 , 去保險業監理署 , 佢地會幫你向公司投訴 . 或自己直接去信保險公司 同中介公司技訴 ... 唉 ! 我重諗緊點做 .


我都同我個 advisor 講會投訴 , 佢話佢明白 , 叫我去做 ... 早知今日, 何必 ... 嗰時佢話我電話度寸佢 . 嘩 ! 我心火盛 , 唔鬧你都要偷笑啦 . 佢仲話自己係呢件事上面做到盡 ... 呢 d 叫盡 , 我次次打電話去 , 佢都話自己出電郵追 . 出電郵追 !? 呢叫盡 ?? 我係無一次聽佢話過打電話追 ... 唉 ! 只怪自己信錯人 . 仲同我吹話入 form 要幾個 working days．嘩！真係你地玩晒！你攞張 form 番公司要一個 working day，公司 CS 傳真張 form 保險公司又要一個 working day．保險公司收到張 form 之後又話要核實身分等等要 2 至 3 個 working days．之前係無人同我講過呢 d，唔係呢件事我諗我係張 cheque 到手先會知，但米已成炊．個 advisor 仲同我講過有人可以２個星期攞到張錢．以佢地做事方法同效率，只可以講一係對方是大客，佢地會快 d，一係純吹水

另外 , 我重有打多一次電話去嗰 2 間公司 , 特別提到我有打電話去一 d 機構到查詢 , 也準備投訴 . 希望嚇吓佢地 , 等佢地會快 d 處理我個 case . 我重提到我希望取消我 account 但唔收手續費 . 講電話講咗成朝 , 都無點做嘢 , 惟有 lunch time 做

下晝突然間 2 間公司都打番比我 , 仲係個 manager 跟我個 case ( 雖然佢地公司入面可能有過千個呀 ger ) . 主旨都係話有跟緊 , 類似叫我唔好心急 . 我又重提取消 account 的事 , 個 manager 問我會唔會再考慮吓 , 可能佢地處理完個 case 之後 , 我會有番信心 . 唉 ! 我只係覺得點解你地可以容許呢 d 事發生 , 仲期望我對你地有信心 !? 真係因了解而分開 ...
最後 , 都係話要等星期二 , 先有進一步的消息 .


我同我 d 同事話估唔到呢個年紀仲要寫 letter of complaint , 我以為中學之後唔駛再寫 ... 好彩我仲識自嘲同講笑 ...

唔好咁相信個基金 consultant！！真實經驗 " 分享 "

06 AUG 2008

本來決定買基金是為咗迫自己儲錢，而且萬一要急用錢嘅時候，都可以幫補吓．可惜 ...


因為今年計劃讀書，所以一早己問定我個 advisor要提錢要幾耐，Oh!要差唔多一個月，好到時再聯絡
我要８月攞到錢，所以６月中已打電話俾我 advisor約見．見到面後，佢話要幫我 check 我到底可以攞到幾多錢，好，要 check，但係一 check 就 check 咗成個星期．其中我 call 咗佢幾次，佢都話未知．

最後搞到７月初先可以簽名入 form，所以真正入 form 的時間係７月１０號，比我計劃的遲 ...　好！算！惟有等張支票到手．之後，我一直係度等我 advisor 消息，要知道我實際攞到的錢有幾多，我隔幾日就會打電話俾佢，但係佢次次都話未知，公司未覆，但係其中佢係一次都無主動打電話俾我交代

又等呀等，愈來愈不安，係８月４號晚打俾佢２之無人聽．８月５號朝早打多１次，都無人聽．終於我忍唔住打咗佢公司的 service hotline，嗰 d 人話會幫我 check，下午再覆我．跟住 lunch 之前，我 advisor 打電話俾我，先話我知上個星期四，五 (!!!) 佢地公司入漏 form (!!! x n)，所以其實係上星期尾先正式入form．佢話幫我鬧過公司 d 人，仲話佢可以幫我嘅就係鬧人 (!?)　頂！要鬧人駛佢幫！

收線後，唔對路，之前佢話 check，宜家 check 咗 d 咩出來 ... 再打電話人俾佢，問佢攞 contact no，自己問．佢竟然話唔响公司，無 contact no，要今晚 (!!)番公司先查到，佢宜家要見客．無話可說 ...
最後，佢大約係 lunch time，先講咗個電話號碼，叫我可以打去．

打咗去，嗰個職員話要 check，最後下晝覆我電話，話上個星期已經安排出咗 d 基金，１４個工作日可以有錢．跟住我問個基金價格差額點計，佢又話要問
點解個 advisor 可以 check 嘢 check 成個幾星期？點解個 advisor可以隔成３，４個星期先知入漏 form？點解間公司可以容許有個咁嘅職員？點解 d 咁嘅人可以考到牌？點解我當初會信佢？十萬個點解


真係千祈唔好亂信人

又 8 號風

今天又打 8 號風 , 可以不用番工 , 休息一下 .

只是最有太多煩的事 , 休息一日似乎是不夠的 . 去法國的事已搞得 七七八八 , 只剩低簽證未搞 . 但仲係好擔心 , 機票 , 學費 , 住的地方都 ok , 如果申請唔到簽證的話 , 我都唔知可以點 ... 其他人都叫我唔好擔心 , 但係我都唔知點先可以唔擔心唔煩

而且我都仲未敢同朋友講我快要去法國讀法文的事 , 申請唔到簽證咪好尷尬

基金的問題都好煩 , 一個月前入 form 提基金 , 宜家都未得 . 真係有入無出 , 所以我都同我啲朋友講 , 千祈唔好亂信人 . 個 advisor 是我舊同事 , 本來個基金公司是佢介紹我買 , 買嗰時都無諗到是佢跟 , 簽約的時候先知係佢 , 都諗住 ok 啦 . 點知就衰咗 ... 考到個試有咩用 , 用依個態度去跟個客 , 根本係工作態度同人格問題 , 差到呢 ... 我已經將呢個經驗同身邊所有人 "分享 " , 真係亂信人
宜家只可以計劃點善後 , 在香港的時候已不多 , 希望足夠處理啦 ...

只不過覺得 , 有呢 d 人係度 , 真係好打擊我哋小市民的投資信心 . 個 advisor 唔得 , 間公司又唔理 , 我依 d 小客戶咪死得 !!


跟住仲有傳票 , 收到亂過馬路的傳票 , 惟有等個宮判啦 !!