空

覺得自己好空洞，覺得自己甚麼也不是．其實事實上自己的確是甚麼也不是．

在法國的生活，有很多時候好似必須要與其他全部人在抗衡．必須把自己變成另外一個自己不熟悉的人．

把自己藏在自己的空間裡，可以作伴的只有煙跟酒跟書跟電腦．好似真的可以消失了．


消失

不知自己想點

以為自己已經無事，幾乎所有事都可以放開懷．突然間，只是因為一些小事件，會把一切一直努力維持的平靜都破壞掉．

為的只是小小事件，又那些小小事件根本就不是甚麼 '壞事'．


以為已經不會再流的眼淚又流了出來．


為甚麼?? 我也不知道．只是有些以為已埋掉或已忘掉的事浮了出來，根本一直都在，然而．


可以點? 唔知道．

睡醒了又是另一天，繼續將大大小小事件埋掉，又．

我和小王子第一次的真正相遇

le 7 avril

第一次看完成本小王子．本來只是在圖書館借的，看完之後第 2 日忍不住買了回來，還是我喜歡的版本．

又話要慳錢又話怕行李過重，最後都係愈買愈多．

但係我看書時不停有畫書的衝動．圖書館的書不能畫呵!!

好，一切都係藉口，我其實係一個買野狂，有東西想買唔買的話是絕對會心掛掛的．

說回小王子，Le Petit Prince，好高興第一次與他相遇是透過法文．其實裡面用字不深，只要係學過 passé 的法文初哥，都可以好容易看得明而唔需要查很多次字典．當然要看得明白字背後的意思又是另一回事．

我想我要多看幾次．

障礙

活了廿多接近三十個年頭，開始明白知道人類是一種甚樣的生物．畢竟德蘭修女世上只有一個，甘地也是只有一個．

不知甚麼時候開始，自己開始在四周築起了牆．當自己發現的時候，這道牆已變得太高，高得我不知怎樣可以爬出去，怎樣可以看到外面．

可能是小時候性格不太討人喜歡更不會懂得所謂的 '交際'．小朋友的世界其實幾殘酷，有點似 '殘酷一叮'，而我當然地是早就被 'OUT' 的那個．

我知道家人朋友對我不俗，可是就好像我的腦是知道，但心就感受不到．我不懂得怎去感覺自然就不會付出．對所有對我好的人，我可以 '有責任感' 地付出物質作回報．


在離開香港這大半年裡面，我發覺我一個人也可以過得很好，也很喜歡 '君子之交淡如水' 的交往方式．似乎與人保持一定的距離是我唯一的生存方式．


不想錯過任何東西，但又沒有甚麼是不可放下的．

追求長命

好似幾乎已放棄咗依個 blog , 委實太耐無 update ...


ok!! 尋晚 Friday Night 同朋友同朋友的朋友去 Bar 度飲下野．好多人都識講英文呀 Thank God，天知道日日要用我的爛法文同人講野有幾辛 / 痛苦，永遠都詞不達意，永遠都要將自己要講的簡化，永遠都唔可以 100% 明其他人講的東西．

同桌的是一個俄羅斯人，他的日本人女友就坐係旁邊，好甜蜜．

其間唔知講到些甚麼，講下講下他提到他很小的時候就開始吸煙 ... 佢話俄羅斯有一句話，大意係唔吸煙唔飲酒唔會真係令人長命 ... 應該係大概咁意思，好似好難譯佢都想咗好耐 ...


依句真係完全 'Pour'．我本人係唔追求長命，不能做自己想做過一個無味的生活唔煙唔酒食得健康活得健康，真係會令人長命??? 要咁長命做甚麼??

唔吸煙但每口吸的空氣都嚴重污染，唔飲酒或只間唔時一杯但食的都有打針有重金屬有農藥 ... Then, what's the point?


係我膚淺，但我選擇活在當下．生命好脆弱要死並唔難，又何必太執著．

納納雜雜

1. 寫了這麼多篇 '我自由啦!'，昨天星期一終於要回歸校園．不過，其實番多 2 個星期學就 Semester Break，都好，惡補一下比我差不多忘記得一乾二淨的法文．一番到去，當然要講下假期去了那裡呀，做了甚麼呀等等．輪到我，我回想下，第一句彈出係 'Pendant les vacances, j'ai beaucoup mangé...' (大意，假期裡，我吃了很多)．回想起成個假期，真的除了出走 Strasbourg 外，就是食和食和... 食．


2. 講食，係 1 月 2 號，我地大部分亞洲同學 (有中國，日本同韓國同學) 去了其中一個日本同學的屋企午餐．嘩，佢屋企大到，係獨立屋，有花園，有兩層．真係恨死隔離．佢先生係日本某大型汽車公司做設計，公司外派來法國，所以佢就一道來了法國．
個日，我地食了很多，有日式有法式．最神奇係仲可以食到章魚丸，真係好似日劇裡面咁樣，有塊版，倒汁加材料自己整．最後仲有加 '木魚'，即係那些一塊塊，超薄片，啡色，加係個面度會動的那些... (希望你地明啦)一路整，我地這些大鄉里出城的，不停發出一些 '咦' '嘩' '啊' 的驚嘆聲，真係．評語係：好玩，好食．
之後食完仲有玩飛標同 Wii．

3. 聽講又會開始轉凍，好多法國北部同西部都在下雪．下圖係巴黎的街道：

Bonhomme de neige dans les rues de Paris le 5 décembre 2008

(雪人在巴黎街道上，12 月 5 號)

Yahoo France: http://fr.news.yahoo.com/2/20090105/tfr-neige-et-verglas-pour-demarrer-la-se-1834ca8.html

話說舊雪雲會吹來南部．會唔會落雪就很難說，但係依家尼斯就不停落雨，而且未來數天都會繼續落．好灰．

4. 今日番學，做了一部份 final tests，包括要寫要講．不過唔係很嚴重會影響生死那些，純粹是看進度及下個學期分班．其中，Oral Test 我地要坐係老師旁邊，講下圖畫裡面那些人在做甚麼，不外乎係起身上學番工等．但係我不停講錯，例如想講 'il rentre' 變了 'il rentrer', 'elle s'aide' 變了 'elle s'aider'．唉...

5. 有時覺得，好多人學法文的原因，除了那些好好聽呀好浪漫等等之外，仲有一個原因係，如果你要係法國生活，不懂法文，真係會死得人多．因為高貴的法國人們，係不會紆尊降貴地同你講英文．例如買火車票，整居留証等，唔識法文? OK! Next!

當然會有些好人的法國人，會肯同你講英文，但係那些是稀有品種，遇到唔該即刻去買 Loto．

6. 我真係遲些應該寫篇學法文的苦與樂之類...